Mótið hálfnað með Pirelli rally um Snæfellsnes

  Fallegur jökullinn í baksýn augnabliki áður en........

 

 

 

 

 

 

Góðan daginn.

Nú er 3mót af 6 búin og seinasta umferð um Snæfellsnes var hreint æðislegt rally. Þetta er í fyrsta sinn í líklega um 20ár sem þarna er rallað og í raun bara Sigurður Bragi sem hefur keppt þarna áður, en við hin vorum varla komin með bílpróf þá

Sérleiðar um nesið voru krefjandi og flottar þó kannski mætti segja að Kerlingaskarð sé full gróft eða laust í sér vegna þess hve lítið er þar ekið um. En Berserkjahraun er fyrir okkur rally-lið eins og kaya fyrir Rastafar-a. Heimamenn fá hróss fyrir góða samvinnu og þá ekki síst nafni minn í Ólafsvík, hjálparsveitirnar á svæðinu sem sáu um öryggið, Bæjar-stjórar og stýrur í Ólasvík og Hólminum, grillarinn á N1 sem bauð öllum upp á pylsur.... og fl.....Danke

En það er alltaf eitthvað "en", okkar árangur var ekki eins og við vildum!  Eftir fyrstu tvær umferðirnar vorum við í þéttum hóp keppenda sem sátu í 2-7sæti þannig að aðeins skyldu 3stig þessi sæti og við númer 5. Við kláruðum því miður ekki þetta rall vegna bilunar í fjöðrunarbúnaði. Afturspyrna brotnaði þar sem demparinn festist í hana þegar við skárum beygju yfir litla holu. Eins og sést á myndinni þá vorum við mikið hissa á þessu staddir efst á Snæfellshálsií nokkur hundruð metra hæð. Dekkið vinstra megin að aftan fór næstum undan en áttum ekki von á þessu þar sem holan var lítil, mjúkur jarðvegur og ekkert högg

Með aðstoð eiginkvenna okkar komum við bílnum á kerru og niður í byggð en serviceliðið fylgdi Sigga bróðir og Hrefnu sem auðvitað kláruðu.

Við liggjum nú undir feld enda þarf að undirbúa Rally Reykjavík vel, það stefnir í stór mót þar sem talsvert verður af erlendum áhöfnum.

kv: Jóhannes V Gunn 

 hér eru flott video: http://www.motorsportklippur.net/

Athugasemdir

[Guðmundur Björnsson, 8.7.2008 kl. 14:44]

Flot hjá þér félagi Jóhannes, gaman að fylgjast með þessu.

mbk

Dr.GB